الفصل الاول من رواية صغيره علي الحب

الفصل الاول من رواية صغيره علي الحب عشقها فمن تكون كامله لكاتبه سحر خالد.. 

الفصل_الاول

#صغيره_على_الحب

#هذة_الروايه_مسجلة_حصرياً_بإسمي_سحر_خالد #وممنوع_منعاً_باتاً_نقلها_لأي_مدونة_أو_موقع_أو #جروب_ومن_يفعل_ذلك_قد_يُعرض_حاله_للمسائلة _القانونية "

بتعب نزلت من سيارتها بعد يوم عمل طويل،، في المستشفى كل ما تريده هو الارتياح فقط.. 

دخلت الى المنزل سمعت اصوات من غرفه الضيوف كادت ان تتجاهلها...

وتصعد تريد فقط النوم ولكن..

هنالك صوت جعلها تتجمد في مكانها على الدرج وقفت لتستدير وتنزل مره اخرى..

لتقف على باب غرفه الضيوف قلبها يدق وانفاسها تتصاعد بالتاكيد ليس هو بعد كل تلك المده يعود.. 

دخلت تفاجات به يجلس بجانب زوجه عمها.. وعمها جميع العائله يجلسون من جدها حتى امها كانت تجلس وتبتسم معه كانه لم يفعل شيء...

في الماضي قطع ضحكاتهم وكلامهم عندما وجدوها تقف بذلك الشكل.. 

صوب هو انظاره على الباب ليتجمد في مكانه نهض..

الجد...

تعالي يا جميله عايزه اتكلم معاكي في موضوع..

صهيب...

لو سمحت يا جدي ممكن انا اتكلم مع جميله الاول 

هز الجد راسه لينظر فقط... 

خرج من غرفه الضيوف وهو يشير لها بان تاتي معه ولكنها كانت في حاله صدمه صدمه بالفعل فهو قد دخل المنزل كانه لم يفعل شيء... 

تجاهلته وصعدت الى الاعلى ليصعد خلفها وهو ينادي عليها.... 

جميله لو سمحت ممكن تقفي،، ونتكلم مع بعض شويه..

التفتت وهي تصرخ... 

نتكلم في ايه انت ليك عين كمان تيجي كانك ماعملتش حاجه لا وهم قاعدين معاك عادي

:  جميله في حاجات كتير محتاجين نتكلم فيها مع بعض لو سمحت ممكن نتكلم ممكن تسمعيني لاخر مره

جميله بغضب....

اسمع ايه يا دكتور كلام بينا،، انتهى مفيش حاجه تخليني اقف معاك وادوس على كرامتي اللي انت دمرتها زمان.... 

جميله العبيطه... الهبله اللي كانت بتصدق كل كلامك زمان خلاص ماتت اللي قدامك دي واحده تانيه اتكسرت واتجرحت بس رجعت اقوى من الاول... 

قالت كلامها ودخلت الى غرفتها كاد ان يدخل خلفه ولكنه تفاجا بها تغلق الباب في وجهه.. 

فهي بعد ما حدث في الماضي كيف تثق به وتعود لتحبه ذلك المخادع قاسي  القلب

في الداخل جلست على السرير بحزن وهي تتذكر الماضي كانت فتاه بريئه في عمر 18 لم تفكر يوما في الحب ولا في الارتباط...

كان كل تفكيرها في الدراسه فقط يدخل هو الي حياتها مثل الاعصار يقلبها ولم يهتم بعدها باصلاحها ابدا... 

فلاش باك

❈-❈-❈

كانت تجلس على السرير دخلت اليها والدتها بغضب وهي تنفخ نظرت اليها جميله باستغراب وهي تقول...

في ايه يا ماما ايه اللي حصل اوعى تكوني اتخنقت تاني مع مرات عمي..

ام جميله بغضب...

انتي قاعده بتعملي ايه... 

جميله باستغراب... 

بذاكر يا ماما هكون بعمل ايه يعني...

امها بغضب.....

مذاكره ايه وزفت ايه قومي غيري هدومك ابن عمك جايه النهارده.... 

جميله باستغراب.....

وانا مالي ومالي ابن عمي مايجي او لا وبعدين انا لبسي كويس اهو... 

امها بغضب....

بنت مرات ابوكي شهد لابسه ومتزوقه من بدري ومستنياه هتلف عليه وتتجوزه هي وانتي هتقعدي كده زي البيت اللي واقف،، ولا يتجوزوكي واحد من بره العيله ملهوش اصل ولا فصل،،، ابن عمك وحيد ابوه وهيورث كل حاجه انتي مابتفهميش خالص مافيش حاجه هتنفعك الا الجواز من واحد زي ابن عمك كده... 

نهض جميله وهي تقول...

بصي يا ماما انا دخلت الجامعه عشان اكملها رغم ان كل البنات في العيله ممنوعين يكملوا تعليمهم بس ده كان حلمي وحلم بابا الله يرحمه.... 

فلا جواز ولا غيره اللي هيخليني انسى حلمي وهكمل للاخر ده اولا 

تاني حاجه،، ابن عمي ده انا ولا بحس ناحيته باي حاجه ولا شفته من زمان اصلا... 

لو شهد هتتجوزوا بالف هنا على قلبها اما انا لو سمحتي سيبيني عشان اذاكر عندي امتحانات... 

نظرت اليها امها وهي تقول...

انت بتتكلمي في ايه بقول لك تتجوزي تقولي لي تعليم ماتخلينيش احلف عليكي ما انتي طالعه من البيت تاني...

جميله نهضت لتقبل راس والدتها وهي تقول.... 

حبيبتي ده مستقبل اللي هينفعني لا جواز ولا ابن عمي هينفعني وده حلمي وحلم بابا وانا هحققه وكلامي مافيهوش غلط وغير ان جدي عارف الكلام ده وعارف ان مش بفكر في الجواز... 

انسي الموضوع بقى يا ماما يا حبيبتي ويا ريت مانتكلمش فيه تاني بعد اذنك... 

لتصعد على السرير مره اخرى لتمسك باحد الكتب بين يديها تحاول ان تشغل تفكيرها به وتبعد نظرها عن والدتها التي تقسم انها تشتعل في مكانها لولا خوفها من جد جميله ..

لكانت منعت جميله من التعليم منذ زمن وزوجتها من ابن عمها... 

❈-❈-❈

سمعت الصوت الاحصنه في الخارج نزلت من على الفراش لتقف امام النافذه تنظر بابتسامه وفرح فهي تحب الخيول بشده دائما تحب ان تجلس معهم بابتسامه تركت كل شيء وارتدت.. 

ملابسها وغطت وجهها بهذا النقاب فوالدها منذ زمن اصر عليها ان ترتديه خوفا عليها من جمالها...

فهي رغم انها صغيره ولكنها جميله جميله وبشده مثل اسمها واكثر...

نزلت الى الاسفل لتصل الى الاسطبل جلست مع الاحصنه بابتسامه وهي تتكلم وتحكي عن طموحاتها واحلامها في المستقبل... 

لم تعرف ان هنالك احد ينظر اليها الا عندما اقترب..

انتي بتعملي ايه هنا...

نهضت لتستدير بسرعه تنظر بفزع لمن دخل بهذا الشكل.. 

جميله...

انت مين وبتعمل ايه هنا.. 

تفاجا صهيب بتلك الفتاه التي كانت،، لا يظهر منها الا عيناها وهي تكفي واكثر تلك العيون الزرقاء الواسعه لم يرى مثلها في حياته 

عينيك..

قالها بانبهار.. 

نظرت اليها باستغراب وهي تقول....

مالها

هزه صهيب راسه بنفي ليخرج تلك الافكار وسحرها من راسه ليصحح كلامه ويقول... 

والله انا المفروض اللي اسالك السؤال ده مش المفروض الاسطبل ده من املاك عيله النعمان ولا ايه.. 

هزت جميله راسها وهي تقول... 

وانت بقى بتعمل ايه هنا ..

صهيب وهو يقترب من الحصان... 

ده بيتي على فكره و الاسطبل ده من املاك عيلتنا اسالك انا بقى انتي بتعملي ايه... 

اذا فهذا هو ابن عمها الذي كان يعيش خارج البلد شعرت بالخجل... 

تراجعت الى الخلف وهي تقول....

كنت جايه اشوف الحصان

ابتسم لها صهيب تلك الابتسامه التي لم تزيده الا وسامه اكثر واكثر....

انتي شغاله هنا ولا.... بنت مين انا اول مره اشوفك او يمكن شفتك قبل كده بس مش واخد بالي لانك لابسه نقاب... 

تراجعت جميله اكثر فلا تريد لاحد ان يعلم انها خرجت من المنزل لتركض من امامه.. 

صهيب نظر لها 

استني انتي رايحه فين انا بكلمك.. 

ولكنها لم تترك اليه الفرصه بل خرجت من المكان،، خرج هو خلفها ولكنها قد اختفت لا يعلم الى اين ذهبت وتركته يفكر بها فقط.. 

❈-❈-❈

عاد بعد ذلك صهيب ليدخل الى المنزل نظر اليه والده وهو يقول....

بقى بعد الفتره دي كلها تيجي المفروض تيجي تسلم على ابوك الاول لا تروح تطمن على الخيول.. 

ابتسم له صهيب وهو يضمه ويقول..... 

معلش يا بابا... اما سمعت صوتها ما قدرتش ما اروحش اطمن عليهم ماشفتهمش من زمان

هز والده راسه وهو ينظر لامجد صديقه ويقول...

صاحبك طلع اجدع منك ويجي يسلم عليا الاول....

ابتسم صهيب وهو يقول لوالده.... 

والله صاحبي ما جاي الا عشان الاكل صاحبي وانا عارفه.. 

ابتسم امجد الذي كان يجلس على الاريكه... 

انت تعرف عني كده.. 

قال كلامه مع دخول الخادمه التي وضعت امامه بعد الطعام الذي طلبه عندما دخل بحجه انه لم ياكل شيء طول الطريق.. 

والد صهيب.... 

سيبه يا ابني ده بيقول ما اكلش طول الطريق اكيد جعان.... 

هز صهيب راسه بصدمه من صديقه وهو يقول...

مين اللي مااكلش طول الطريق ده كان ناقص ياكلني

امجد وهو ينظر لصهيب وياكل في نفس الوقت....

ربنا على المفتري يا ابني ايه يعني اما اكل مرتين تلاته  جعان خساره فيا... 

❈-❈-❈

هز صهيب راسه بياس منه... 

: تعالى يا صهيب يا ابني انا عايز اتكلم معاك في المكتب شويه.... 

دخل صهيب خلف والده يجلس في المكتب قليلا ثم خرج بغضب نظر اليها امجد باستغراب...

في ايه يا ابني... 

صهيب.... 

عايزني اتجوز بنت عمي يا اما مايدينيش اي حاجه من الورث.. 

امجد.....

يعني ايه وانت هتعمل ايه.. 

صهيب مش شرط شرط انا هنفذه،،، بس اول ما يتم الجواز واخد اللي عايزه هطلقها.. 

امجد.... 

وابوك هيوافق....

صهيب...... 

ومين قال اني هقول له اصلا.. 

يــتــبـع....